يوم مر علي " لا يفوتكم مهاجم وجواله الضائع "

::



سلام .. يا ناس يا عسل ..


كيفكم .. ان شاء الله بخير .. << طيب اخلص علينا هات وش عندك



طيب موضوعي .. يا حبيني له .. بعنوان



يوم مر علي " لا يفوتكم مهاجم وجواله الضائع "



:


:


:


اكيد فهمتوا نص الاجابه << فاهم غلط بسالفة فهم السؤال نصف الاجابه


الموهيم .. مر علي يوم الله لا يوريكم .. فيه ضياع جوال وتخبط بالجدران .. وقهر وتقطع بالملابس


اقولكم السالفه ..



:


:


حظرت مهاجم . اليوم طالعن من كليته .. حاب يسوي امريكي ويطلب تكسي .. اوقف ع الخط ..



اقول هيه تكسي .. والله ما عندك احد ما اشوف احد يوقف .. قلت وش قصة الامريكان يوم يقولونها ..


عشرين سياره تتبطح .. قدامهم .. وانا طيب ليش ؟


الموهيم .. اترقع شوي .. والا يوقف واحد واقول له بالله وديني البيت .. !!!


قام يقول انت وش بلاك .. وش دراني عن بيتك ابوك انا والا امك ..


قلت له , ياخوك هدي .. البيت الي بجنب البقاله ..


قال اركب الله يغثك .. قلت ما عليك زود احسبه مدحني .. !!!


الموهيم .. الا وشوي وصلنا البيت كان يخثرد علي بالسيارة .. ما ادري وش قال صراحه كنت سارح


بماده من المواد خايف اسقط فيها << ايه باين خل عنك لا تكذب


ما علينا الا وشوي يقول لي خلاص هذا بيتك .. !!! قلت كيف عرفته .. قال انت دليتني وش بلاك قلت ايه اشواء


قلت طيب يعطيك العافيه .. نزلت قال هيه وين الحساب قلت يووه احسبك فاعل خير .. مالت خذ وانقلع


قال الحين انقلع هاه .. يا زينك وانت بالسياره قبل ما اوصلك قلت له ايه انا الحين بحارتنا .. اجمع عليك


كامل - ع السناني - الخ << مالت عليك فضيحه ..


الموهيم .. الا وشوي يمشي .. وانا يجني اللهام من ربكم اني ضيعت شي .. الا وافتش جيبي ..


قلت يوووه حق الله اني رحت بخبر كان ..


وش السوات وينه هالجوال .. ابي الي فيه امسحه وخلاص .. وحلال على الي ياخذه ..


خبركم فيه رسايل سياسيه .. مراسل رايس وبوش وبلير .. وباريس هلتون ... << الاخيره وش تبي


لا جد فيه رسائل خاصه .. ما ابي احد يفركش فيها .. عاد جد هبدت البيت وانا ادوره هالجوال ..


قلت يوه علينا .. اجازت الاسبوع بتنقضي تحسر ..


والا وشوي .. تطري علي فكره ادق ع الجوال يمكن .. طايح ب ايادي امينه .. يمكن ..


مع اني ما حطيت امل 1% ..


دقيت ع الجوال مره ومرتين ل العشرة ..


الا وشوي يرد .. الو الو .. انا قلت اخس عليك يا السروق << طبعاً بيني وبين نفسي ..


والا لو قلتها له كان يقول لي تقلع ما فيه جوال .. عاد هنا يجي دور الحنيه ..


قلت له الو هلا اخوي شخبارك .. ان شاء الله زين سلم هالبدن ودامت صحتك << سلامات وش تقول انت


<< بيتميلح وقتها مو عارف ..


عاد قال لي هلا .. قلت انا صاحب الجوال الواقع بيدك .. قال هلا اخوي .. قلت هلا فيك ..


توقعته بيقول .. انساه .. والا ادفع واجيبه لك .. والا يبي يشبك باريس هليتون ويرد لي الجوال


يمكن طبع النذاله مزروع بالشعب العربي !!! ..


واتفاجاء يوم قال وين تبيني .. اقابلك عشان اعطيك ما هو لك ..


قلت الله .. اخ العرب الامين .. يا حليله بس ..



المهم قلت له كذا كذا .. قال خلاص الحين بجيب الورعان .. من المدرسه قلت خلاص ..


خذ وقتك تيت << عبالي مسن خبصتها .. قال وشو قلت لا ابد سلامتك ..


عاد دق بعد شويات .. قام يتمسكن .. يقول خلها بالليل ع 8 ل 9 قلت ياخوك .. خلها بعد شهر وش رايك


بس انت قفل الجوال .. وبتطمن .. تقريبا عمر هالامين الله يحفظه ويخليه لعياله .. بالخمسينات ..


الي يقول عليه شايب اذبحه .. << خبركم احبه واحب ابتسامته الوسيمه


المهم جات الساعه 8 .. وتواعدنا بمكان .. واطلع له ماشي .. طبلون ومشغل غربي من الحماس


عشان احس اني توم كروز بمهمه مستحيله .. << ايه هين مالت بس ههه


عاد قابلته والله .. طلع صاحب السيارة الي وصلني الصبح قال ايه انت .. هاه يالي بتجمع عيال حارتك


قلت عاد وش دعوه ابي اجمعهم يطيحون فيك عزايم من مفطح لمندي ..


عاد استلمت جوالي واثنيت له علمه الذي قام به ... بس احلى كلمه سمعتها وشدتني ..


يوم قال عمل الانسانيه .. يا حلاته والله .. وكثر الله من امثاله ..


وخلاص توبت اخلي بجوالي رسايل خاصه اقصد رسائل اللوغريتمات دروس كنت حافضها بجوالي < هين يا كبرها نصبه


وش دعوه انصب عليكم ..




::


ف ايش رايكم .. فيلم ماهي قصه .. طولت عليكم .. سموحه بس حبيت اقول لكم الي صار لي ..


ويا اني ما ارتحت للحين .. يالله الحمد لله عدت سليمه .. ونصيحه لا احد يطلع الا بسيارته


ولا ياخذ جواله للكليه ولا مدرسه ولا مكان دراسي لان مع تشغيلت المخ خلاص التحفظ يقل ..


::



دمتم بسعاده




ملاحظة : ما حدث من احداث حدثت في هذا اليوم الذي كتبت فيه هذا الموضوع << اقول تقلع منت عارف تعبر << يقصد امس حدثت هالحادثه واليوم كتب الموضوع ..

والله القصه روعه مره بس عندي سؤال انت الحين يوم تركب مع التكسي كيف طاح جوالك<<<<<مسوي يحجر
والله قصه من جد حلوه
تحياتي
ابو راكان